പെരിന്തൽമണ്ണ : പെരിന്തൽമണ്ണ സർവ്വീസ് സഹകരണ ബാങ്ക് സൗജന്യമായി കുന്നപ്പള്ളി മാറുകരപറമ്പ് അംഗൻവാടിയിലേക്ക് മിക്സി, ഗ്യാസ് സ്റ്റൗ എന്നിവ നൽകി. അംഗൻവാടിയിൽ വെച്ച് നടന്ന ചടങ്ങിൽ ബാങ്ക് പ്രസിഡണ്ട് പച്ചീരി ഫാറൂഖ് അംഗൻവാടി വർക്കർ പി.വിനോദിനിക്ക് പ്രസ്തുത സാധനങ്ങൾ നൽകി ഉദ്ഘാടനം ചെയ്തു. ചടങ്ങിൽ ബാങ്ക് ഡയറക്ടർമാരായ സി.അബ്ദുൽ നാസർ, മുഹമ്മദ് ഹനീഫ പടിപ്പുര, സെക്രട്ടറി നാസർ കാരാടൻ, നസീൽ, ജംഷീർ മാങ്കായി, തെക്കത്ത് ഉസ്മാൻ, ഷാനവാസ്.പി എന്നിവർ സംസാരിച്ചു.
